VISH Unik është një start-up shqiptar i krijuar me vizionin për të sjellë një qasje të re, të qëndrueshme dhe kreative në industrinë e tekstilit. Prapa nesh qëndron një staf me mbi 13 vite eksperiencë në qëndistari industriale dhe prodhim tekstili, ekspertizë që siguron produkte cilësore dhe personalizim profesional.
Misioni i VISH Unik është t’i ofrojë çdo klienti mundësinë të veshë diçka unike — një produkt personal, me firmë identitare dhe të krijuar duke përdorur burimet reale të industrisë tekstile shqiptare. Ne synojmë të reduktojmë mbetjet tekstile, të rrisim jetëgjatësinë e produkteve dhe të kontribuojmë në një industri më të pastër dhe të përgjegjshme.
Produkte unike & të personalizuara
Materiale me origjinë të qëndrueshme
Eksperiencë profesionale në qëndistari
Transformim kreativ i tekstileve të pashfrytëzuara
Ndikim pozitiv për planetin
Ne punojmë mbi filozofinë e ekonomisë qarkore: i japim jetë të re tekstileve dhe produkteve të pambaruara që mbeten stok në magazinat e fasonerive dhe prodhuesve vendas. Në vend që të mbeten të pashfrytëzuara, këto materiale transformohen në veshje dhe aksesorë praktikë, estetikë dhe të qëndrueshëm. Klientët tanë mund t’i marrin produktet ashtu siç janë ose t’i personalizojnë me logon, firmën ose elementet e tyre identitare përmes qëndisjes industriale.
