KUSHTET E RIMBURSIMIT – VISH UNIK

Këto kushte rregullojnë mënyrën e rimbursimit për blerjet e kryera në platformën e-commerce të VISH Unik. Politika është në përputhje me Ligjin Nr. 9902/2008 “Për Mbrojtjen e Konsumatorëve”, i ndryshuar, dhe legjislacionin për tregtinë elektronike në Republikën e Shqipërisë.

1. PRODUKTET STANDARD

Për produktet standarde (të gatshme, jo të personalizuara), rimbursimi mund të kërkohet brenda 14 ditëve nga marrja e porosisë, me kusht që:

• Produkti të jetë i papërdorur
• Të jetë në gjendje të përsosur
• Të ketë etiketat dhe paketimin origjinal
• Të mos ketë shenja konsumimi ose dëmtimi
• Pas pranimit të produktit të kthyer, rimbursimi përpunohet brenda 14 ditëve në të njëjtin instrument pagese që është përdorur gjatë porosisë.

2. PRODUKTET E PERSONALIZUARA

Produktet e personalizuara NUK mund të rimbursohen dhe NUK mund të kthehen, sipas nenit përjashtues të Ligjit “Për Mbrojtjen e Konsumatorëve”, pasi krijohen posaçërisht sipas kërkesës së klientit (emër, iniciale, dizajn, ngjyrë, madhësi specifike, etj.).

Rimbursimi është i mundur vetëm në rast:

• defekt prodhimi,
• dërgimi i produktit të gabuar,
• dëmtimi të produktit gjatë transportit.

Në raste të tilla, prodhimi i personalizuar zëvendësohet me të njëjtin model dhe të njëjtat specifikime të miratuara nga klienti.

3. PROCEDURA E KËRKESËS PËR RIMBURSIM

Për të kërkuar rimbursim, klienti duhet:

• Të njoftojë VISH Unik brenda 48 orëve nga marrja e produktit në rast defekti, dëmtimi ose dërgimi të gabuar.
• Të dërgojë foto të qarta të produktit dhe paketimit.
• Të presë verifikimin nga ekipi i cilësisë.

Për produktet standarde pa defekt, kërkesa e rimbursimit brenda 14 ditëve pranohet pa foto, por kërkohet që artikulli të dërgohet i papërdorur dhe në gjendje të rregullt.

4. KOSTOT E KTHIMIT

• Në rast defekti, dëmtimi ose dërgimi të gabuar, VISH Unik mbulon të gjitha kostot e kthimit/dërgimit.
• Për kthime vullnetare të produkteve standarde brenda 14 ditëve, kostoja e transportit të kthimit mbulohet nga klienti.

5. MËNYRA E RIMBURSIMIT

Rimbursimi kryhet vetëm pasi produkti të jetë pranuar fizikisht nga VISH Unik (për produktet standarde), ose pas verifikimit të dokumentuar të defektit në rastet e produkteve të personalizuara.

Rimbursimi procesohen si vijon:

• Pagesë me kartë: rimbursim në kartë
• Transfertë bankare: rimbursim në të njëjtën llogari bankare
• Pagesë në dorëzim: rimbursim përmes transfertës bankare brenda 14 ditëve

6. PRODUKTET QË NUK PRANOJNE RIMBURSIM

Nuk pranohen për rimbursim:

• Produkte të personalizuara pa defekt
• Produkte të përdorura
• Produkte pa etiketat origjinale
• Produkte të dëmtuara nga keqpërdorimi
• Produkte të kthyer jashtë afateve të përcaktuara